اشهر انواع الحمام الريحانى وتقليبه وموصفاته(2021)

الحمام الاسترالي المواصفات القياسيه للحمام الاسترالي

بسم الله الرحمن الرحيم

اليوم هنتكلم عن الحمام الاسترالي، ولكن قبل من نتعرف علي هذا النوع، وهذا الباب من الحمام لازم نعرف ان الحمام الاسترالي تقليب والحمام الصوافه تقليب تاني خالص تمام، 

يبقي كده عرفنا ان الصوافه حاجه والاسترالي حاجه ده ليه تقليب وده ليه تقليب، طيب تمام نبداء بقي في شرح الاسترالي، 

١_الاسترالي العاده

كما هو في الصوره ديه 

طيب دلوقتي حضرتك لسه معرفتش تقليب الاسترالي، 

 استرالي عضمه صغيره

&استرالي تلت

&استرالي تلتين

الحمام الاسترالي اعلي حاجه فيه الاسترالي العاده، 

اللي هو موضح في اول صوره، 

٢_الو ان الاسترالي

الاسترالي بيجي بكل الالوان ازاي، يعني بيجي بلون سكري ذي كده اوحجري 

وبيجي بلون احمر زي كده 

وبيجي بلون برقبه خضراء

تمام يبقي الاسترالي بيجي بكذا لون ليه عشان الاسترالي اصلا حمام هجين مبين السلالات، 

كده خلصنا من موضوع  الالوان وقولنا انه بيجي، بكل الالوان

1_الاسترالي عاده 

٢_استرالي عضمه صغيره

3_استرالي تلت

٤_استرالي تلتين تمام طب انا اشتري اي استرالي من دول اوقولك، 

اولا لازم تعرف الفرق بين الاربعه التقليب تمام يعني ايه تقليب يعني طول الحمامه طويله ولا قصيره، 

٢_عضم الحمامه

العاده اقوي حمامه في الاربعه، ليه عشان تقليب احسن واحد في الاربعه، ٢عشان جامد جدا في النش اللي هو الطيران يعني

 ٣شكله جميل جدا وطويل وتقليبه حلو 

الاسترالي عضمه صغيره 

هو نفس العاده بالظبط في الالوان والمواصفات، طب ايه الفرق يعني العضم اللي هو وش فرد الحمام ده بيبقي مليان ومكلتم من قدام في الالسترالي العاده، 

اما الاسترالي عضمه صغيره يبقي عضمه عامل زي العصفير يبقي اقل وارفع من الحمام العاده تمام كده تمام

الاسترالي التلت

زيو زي اي استرالي احنا اتكلمنا عليه في اللي فاتو بس الفرق ان العضم  من قدام بيبقي طويل سنه 

الاسترالي التلتين

ده كل الناس الغوايه بتحبه ليه، بقي عشان يشتريه عشان يحضن تحتيه الحمام الغزار، والحمام الصوافه، والحمام المكنير، اللي هو الحمام الصفر ورق والحمام الازرق قطيفه، طب اشمعني النوع ده بالذات، عشان بيحضنه زغاليل الحمام الغزار والحمام ده عضم طويل وعريض وشلقه بيبقي واسع، فا بياكل الزغاليل الغزار وحنين معاهم فا عشان كده بيستعملوه في التحضين 

واخر معلومه عشان يبقي اتكلمنا عن الحمام الاسترالي، وأدنا حقه الحمامه ديه بالذات من اجمد الحمام في النش والطيران 

الحمامه ديه من الحمام اللي لما بطيره بيعلا معاك في السماء 

الحمامه الاسترالي عمود اي غيه مصريه، ليه عشان حمامه شكلها حلو، حمامه قويه جدا في الطيران، الاسترالي لازم يبقي موجود عندك في الغيه لانه في مواصفاته الجميله، اللي جمعت بين قوةالحمام الغزار، وذكاء الحمام الزاجل، 

يعني الحمام الاسترالي كوكتيل جميل جدا ومحبوب لدي اي غاوي حمام 

وفي النهايه.... 

ارجو من الله ان اكون افتدكم بَهذه المدونه الصغيره التي في هذا الباب من الحمام، الاسترالي 

(والسلام عليكم ورحمة الله وبركاته)